सही गलत के हो ? जान्ने बेला हो यो
भ्रष्टलाई दुष्टलाई लौरो हान्ने बेला हो यो
आ–आफ्नो हातले आफ्नै भाग्यरेखा कोर्न
असल नागरिकलाई छान्ने बेला हो यो ।

       – लक्ष्मी मुडवरी पण्डित

असामाजिक तत्वहरू जिलाउँदै लानुपर्छ
मानव हितका बस्तुहरू बचाउँदै लानुपर्छ
चेतनाको दियो बाली अन्धकारहरू मास्ने
अन्तरमनको अठोटहरू जोगाउँदै लानुपर्छ ।

    – अरूण कुमार भुजेल

दोषहरू देखाउन नहुने भो आजभोलि
अर्ति अनि उपदेशले नछुने भो आजभोलि
दशै दिशा भ्रष्टाचारी लोभी अनि पापी हुँदा
गङ्गा जलले कुनै पाप नधुने भो आजभोलि ।

    – अर्जुन अधिकारी

पहाडी भागमा छुकछुके मनो रेल आयो
मदेशतिर भान्साको धारामा  तेल आयो
हामी कौवा जस्ता जनताकालागी भने!
सिख्रो बोटमा काँचो र कट्मेरो बेल आयो।

    – शंकर ज्ञवाली

खानेमुख ठूलो तिनैले बाउने भए
भ्रष्टाचार गर्न तिनैले पाउने भए
कसलाई जिताउने केको मरिहत्ते
देश नाङ्गेझार तिनैले बनाउने भए ।

देश बिकासको छलाङ मार्छौं मार्छौं भन्दैछौ
स्वीट्जरल्यान्ड नै बनाउ“छु बनाउ“छु भन्दैछौ
भो नबनाउ स्वीट्जरल्यान्ड, नमार छलाङ
झूठ बोलेको पत्याउनन्, सत्य बोले“े भन्दैछौ ।

साथीजस्तो हा“स्नु थियो हा“स्नै दिएनन्
रमाउ“दै नाच्नु थियो, नाच्नै दिएनन्
पापी रैछ संसार आमा, गाह्रो भयो नि
थिचे मेरो घा“टी आमा बा“च्नै दिएनन् ।
    – पुष्पा केसी भण्डारी

तिम्रो छत्रछाया“मा ऐतिहासिक जनबिश्वास मौलाउनु पर्छ
तिम्रो गन्तव्यमा अनन्त अनन्त त्यो दूरदर्शिता छेडिनु पर्छ 
आस्थाको केन्द्रबिन्दु तिमी, तिम्रो त्यो बिशाल उचाईमा  
भारी जनबिश्वासको त्यो कीर्तिमानी झण्डा खोपिनु पर्छ ।

– गंगा दाहाल

सबैसँग मन खोलेर  कुरा बताउने नगर्नु
दुःख सुख जे जति छन् जताउने नगर्नु
हाँसो उडाउँने गर्छन् यहाँ सबै थोक जानेर,
मिठो बोल्यो भन्दैमा  छिटो पताउने नगर्नु ।

घरमा पुज  मन्दिर जाउ उनै  शिवै शिव
मनमा राख  श्रद्धा  गर्दै  उनै  शिवै शिव
शिवत्वको मर्म बुझे त्यही नै ठुलो  पूजा 
जसले चिन्छ आफैलाई उनै शिवै  शिव ।

जो जस्तो छ बरै त्यसैमा  रमाउन देउ
चड्न खोज्दैछ कोहि हात समाउन देउ
के लानु छ र कहाँ नतान खुट्टा ण्कसैका 
कमाउछ भने उ इतिहास कमाउन देउ ।

 मैले निलो आकाश दिएकी थिएँ
जुनेली रातहरू दिएकी थिएँ
तर तिमीले कहिले बुझेनौं प्रिय
मेरा निस्वार्थ भावनाहरू दिएकी थिएँ ।

– टीका चापागाईं

     अझ ह्वाङ्ङै हुँदै छन्
    अझ छ्याङ्ङै हुँदै छन्
    नचिन्ने बाँकी को होला ?
    अझ नाङ्गै हुँदै छन् !!

व्यथालाई कथा बनाउ लेख्न सक्नेछौ
हेर्ने नजर फरक बनाउ देख्न सक्नेछौ
निष्ठुरी हो थाहै थियो भन्नु के छ र तर
मायाको बाँध बाँधी हेर छेक्न सक्नेछौ ।

नारीलाई कैदी बनाउँछ आफ्नै घरले सधैं 
इज्जतको जनाई दिन्छ आफ्नै थरले सधैं 
हरेक प्रहर हिंसा सहदै संघर्ष गर्छिन् नारीले
तड्पी तड्पी बाच्छिन इज्जतको डरले सधैं ।

एकमा एक जोडेर चार हुने भए
झूटो बोलेर जित्नेको हार हुने भए 
नक्कली प्रेम कसैले पनि गर्दैन थिए
माया नाप्ने तेस्तो कुनै औजार भएको भए ।

एकछाक छोड्नु मृत्युको खवर सुन्दा 
सम्बन्ध तोड्नु मृत्युको खवर सुन्दा
नझार्नु अश्रुधारा ती याँदहरू सम्झिएर 
दुख्ला मनबाटै मोड्नु मृत्युको खवर सुन्दा ।

घरि हुरि आउँछ घरि पानी अ।उँछ
देखेका जिन्दगीका सफरहरू बगाउँछ
देख्नु पर्छ सपना पनि मुस्किलले यहाँ
देखेका सपनाले ओठमा हाँसो ल्याउँछ ।

सधै रङ्ग रमितामा छाउनेलाई के भनौं 
जिवन्त सतही माया लाउनेलाई के भनौ 
भन्न मन थियो जीवनअनमोल उपहार हो
बास्ना खोज्दै कस्तुरी धाउनेलाई के भनौ ?

इन्दु तोदी

सधै रङ्ग रमितामा छाउनेलाई के भनौं 
जिवन्त सतही माया लाउनेलाई के भनौ 
भन्न मन थियो जीवनअनमोल उपहार हो
बास्ना खोज्दै कस्तुरी धाउनेलाई के भनौ ?

बलवान हुन्छ समय आफैँ, पर्खन सक्नुपर्छ
नकारात्मक प्रभावबाट सधैँ तर्कन सक्नुपर्छ
मत्लबमा हात चाट्ने, पछि कुरा काट्ने चिनेर
दर्जा अनुसारको व्यवहार छर्कन सक्नुपर्छ ।