एकछाक छोड्नु मृत्युको खवर सुन्दा 
सम्बन्ध तोड्नु मृत्युको खवर सुन्दा
नझार्नु अश्रुधारा ती याँदहरू सम्झिएर 
दुख्ला मनबाटै मोड्नु मृत्युको खवर सुन्दा ।

    – विद्या भण्डारी

अत्याचारको परकाष्ठा रोकिएको छैन
कानूनमा लेखियो ब्यावहारमा तोकिएको छैन
दिनहु नाबालिकाका शरीर काटकुट पारेका छन्
यौनप्यास मेटाउनेलाई कोर्रा ठोकिएको छैन ।

मूल्यवान समय, शरीर व्यर्थकिया बदलते रिश्तेनातों में,
नही आना था, आ गया पागल चिकनी चुपडीÞ बातों मे,
चोट लग ही जाती हैं, प्रीत काँचकी दुनिया से लगाने में,
कचोटता है घाव फिर हरदम अन्दर काली घनी रातोंँ मे

           – इन्दु तोदी

दुई दिने जिन्दगीको आशा कहिल्य मार्ने छैन 
यो जीवनका गाढा सपना कुहिरोमा पार्ने छैन
आज नभएनी भोलि गर्नेछु अल्झेर सपनासँगै
संघर्षमा हिडिरहनु छ हिम्मत कहिल्य हार्ने छैन ।

        – अर्जुन अधिकारी

सम्बन्धको गाँठो फुक्न सजिलो, कस्न गाह्रो हुँदोरैछ 
बानी नभए पछि अरूको चिल्लो, घस्न गाह्रो हुँदोरैछ 
उद्देश्य थियो बाँडीचुँडी खाएर मिलिजुली बसौं भन्ने,
बैगुनीहरूको नियतसँग मिलेर बस्न गाह्रो हुँदोरैछ ।

वसन्तमा झैँ आनन्द शिशिरमा आउँदैन
चराचुरूङ्गीले पनि  सुमुधुर गीत गाउँदैन 
परिवर्तन प्रकृतिको अकाट्य नियम हो 
कसैले सधैँभरि एकैनासे रहन पाउँदैन ।

         – अरूण कुमार भुजेल

हृदयको बगैँचामा ढकमक्क फूलहरू फुलेसरि
भमराहरू खुशी खुशी फूलबारीमा झुलेसरि
कहिले लाग्छ यो जिन्दगी छरिएको बतास झैं
संसार हेर्ने रहर बोकी मनै मनले डुलेसरि ।

जसलाई जति बिश्वास गरे पनि पाउने घातै रहेछ
जति आफ्नै ठानी साथ दिएनी छुट्टाउने बातै रहेछ
आफन्तको भेषमा आउने धुर्त स्याल छ जताततै
मजबुत सम्वन्धलाई धागो जस्तै छिनाउने नातै रहेछ

सम्बन्धको गाँठो फुक्न सजिलो, कस्न गाह्रो हुँदोरैछ 
बानी नभए पछि अरूको चिल्लो, घस्न गाह्रो हुँदोरैछ 
उद्देश्य थियो बाँडीचुँडी खाएर मिलिजुली बसौं भन्ने,
बैगुनीहरूको नियतसँग मिलेर बस्न गाह्रो हुँदोरैछ ।

निष्कर्ष बिहिन सत्य तथ्य कुरो कहाँ छ
खोतल्दै गए भेटिन्छ पक्कै चुरो कहाँ छ 
कालो चस्मा, कोट ढल्काएर मात्र के गर्नु
बोली, ब्यबहारिकपनमा खै सूरो कहाँ छ ?

पाइपमा भन्दैनौँ सिलिन्डरमा दिए पुग्छ

गाउँमा पुगोस् इन्धन सहरमा दिए पुग्छ ।

ठुलो आशा छैन जनताको सरकारसँग

डुईछाक टार्ने ग्याँस घरघरमा दिए पुग्छ ।

ठग लुटेराहरुकाे कुनै भर हुदैन भन्छन्

गतिछाडा हरुकाे कुनै थर हुदैन भन्छन्

स्वार्थका लागि अरुको घर ध्वस्त पार्ने हरुलाई

नियम कानुन कडा बनाएपनि डर हुदैन भन्छन् ।

बलवान हुन्छ समय आफैँ, पर्खन सक्नुपर्छ
नकारात्मक प्रभावबाट सधैँ तर्कन सक्नुपर्छ
मत्लबमा हात चाट्ने, पछि कुरा काट्ने चिनेर
दर्जा अनुसारको व्यवहार छर्कन सक्नुपर्छ । 

सधै रङ्ग रमितामा छाउनेलाई के भनौं 
जिवन्त सतही माया लाउनेलाई के भनौ 
भन्न मन थियो जीवनअनमोल उपहार हो
बास्ना खोज्दै कस्तुरी धाउनेलाई के भनौ ?

अम्मली हुँ  म राजनीतिको राजनीति गरिरहनुपर्दछ
कुर्सीको आडमा नै स्वार्थको गाग्रो भरिरहनुपर्दछ,
सामन्तीझैं जिउनका लागि ढुकुटी–फोर खेल खेली–
आसेपासेलाई पनि लाचार भै घाँस छरिरहनुपर्दछ ।

       – केशवराज आमोदी

के हाल छ भनी नसोध्नु तिमीले
 बेहाल छ यता नखोज्नु तिमीले
 बिना मतलबको यो दुखी संसारमा
 बिनासितै कसैको याद नरोज्नु तिमीले ।
      – संगीता सारथि

होइन है थर्किएकी ज्ञानी तिम्रै हुँ
   केही झर्किए तापनि ध्यानी तिम्रै हुँ 
   नसम्झ कत्ति पन्छाएँ भनी तिमीले
   अहिले मौन छु तर रानी तिम्रै हुँ ।

     – चन्द्रा न्यौपाने

मौरीको छुटेपछि संगत झिंगाले कता पु¥याउँछ
बुझ मुर्खलाई सदा झुटो प्रशंसाले सु¥याउँछ
चापलुसीको घेरा बाहिर नजर पुग्न सकेन भने
अन्ततोगत्वा त्यस्ले उस्कै उँचो शिर निहु¥याउँछ

       – पुष्पा केसी भण्डारी

आउन सक्छ पछि आँखामा जालो याद गरौं 
गोरो पनि भोलि हुन सक्छ  कालो याद गरौ
बुढाबुढी भनेर कसैले कसैलाई हेला गर्नु हुन्न
आफ्नो पनि आउँछ वृद्ध हुने पालो याद गरौं ।

      – लक्ष्मी नेपाल

वातावरण चीसो छ मन कसरी तातोस्
न्यानो मुटुको कुनाको राप सरी राखोस्
आजभोलि मुटु उपहार दिने चलन बढ्यो
मुटु बाँडेर खोक्रो छाती के गरी बाँचोस्  ।

                      – पौडेल बिमुन्स

हिँड्दा हिँड्दै बीच बाटोमै हराएको मान्छे म
आफ्नाबाट कत्ति सहयोग नपाएको मान्छे म
आफ्नाहरूलाई विश्वास गरी अघि बढ्दाखेरि
हरेक काम कुराहरूमा धोका खाएको मान्छे म ।

     – पारस भट्ट प्यासी