हवाई आक्रमणमा परि सुडानको राजधानी खार्तुममा १७ जनाको मृत्यु भएको छ । राजधानीको यार्मोक जिल्लामा सेनाले गरेको हवाई आक्रमणमा परि ५ बालबालिका सहित १७ जनाको मृत्यु भएको हो ।
राजधानीको यार्मोक जिल्लामा सेनाले गरेको हवाई आक्रमणबाट कम्तीमा २५ वटा घर ध्वस्त भएका छन् । त्यहाँका एक उच्च सैन्य अधिकारीले विद्रोही समूह र्यापिड सपोर्ट फोर्स आरएसएफलाई आन्दोलन रोक्न चेतावनी दिएको भोलिपल्ट उक्त हवाई आक्रमण भएको थियो ।
गत अप्रिल महिनाको मध्यबाट सुरु भएको विद्रोहमा परि हालसम्म सुडानमा एक हजारभन्दा बढी सर्वसाधारणले ज्यान गुमाइसकेका छन् । यसअघि पटकपटक भएका युद्धविराम दुवै पक्षले उल्लंघन गर्दै आएको बताईएको छ । संयुक्त राष्ट्र संघका तथ्यांकअनुसार युद्धका कारण झण्डै २२ लाख मानिस विस्थापित भइसकेको बतईएको छ ।
