सार्वजनिक खरिद अनुगमन कार्यालयले कार्यसम्पादनमा चित्तबुझ्दो नभएको भन्दै १६ ठेकदार कम्पनी र एक आपूर्तिकर्तालाई सातदिने स्पष्टीकरण सोधेको छ । उनीहरुको कार्यसम्पादन चित्त बुझ्दो नभएकाले प्रधानमन्त्री कार्यालय मातहतको सार्वजनिक खरिद अनुगमन कार्यालयले सात दिने स्पष्टीकरण सोधेको हो ।
यसअघि सार्वजनिक संस्थाहरुले कालो सूचीमा राख्न सिफारिस गरेका कम्पनी तथा आपूर्तिकर्तालाई ३० दिनको म्याद दिएर स्पष्टीकरण मागिएकोमा उक्त समय अवधिभित्र स्पष्टीकरण नबुझाएपछि पुनः सात दिनको म्याद थपेर स्पष्टीकरण मागिएको बताईएको हो ।
सातदिनको म्याद थपेर स्पष्टीकरण माग गरिएका कम्पनीहरुमा राजन गौतमको नयाँ निर्माण सेवा चितवन, राजु पोखरेल नेतृत्वको ब्लुवर्ड डिजाइन एण्ड कन्स्ट्रक्सन भक्तपुर, राजा बहादुर झा नेतृत्वको नव निर्माण विल्डर्स प्रालि जनकपुर, सशक्त शरण गोले अभिशेक नेतृत्वको आर्भन कन्स्ट्रक्सन प्रालि चितवन, बबिन्द्र विक्रम बुढाथोकी नेतृत्वको बुढाथोकी निर्माण सेवा पाँचथर र मिलन पन्त नेतृत्वको इपिक कम्प्युटर्स ट्रेडर्स काठमाडौं रहेका छन् ।
यसैगरी शेरबहादुर लिम्बु नेतृत्वको माबोहाङ्ग निर्माण सेवा ताप्लेजुङ, शोभा न्यौपाने नेतृत्वको समृद्ध निर्माण सेवा चितवन, डिल्लीराम तिवारी नेतृत्वको जय भगवती निर्माण सेवा चितवन, सुरज कुमार शाही नेतृत्वको शुभम् कन्स्ट्रक्सन चितवनसँग पनि स्पष्टीकरण माग गरिएको छ ।
सार्वजनिक खरिद अनुगमन कार्यालयले स्पष्टीकरण मागेको कम्पनीहरुमा लक्ष्मण पाण्डेय नेतृत्वको त्रिवेणी निर्माण सेवा कास्की, दिपेन्द्र बहादुर शाही नेतृत्वको सिद्धिसाई प्रकाश कन्स्ट्रक्सन प्रालि नयाँबानेश्वर, सुदिप श्रेष्ठ नेतृत्वको एस कन्स्ट्रक्सन चौतारा, कुलबहादुर श्रेष्ठ नेतृत्वको बी के बी कन्स्ट्रक्सन एण्ड सप्लायर्स सिन्धुली, युकेएन कन्स्ट्रक्सन प्रालि ललितपुर, विनित जोशी नेतृत्वको जोशी विज हाउस प्रालि नयाँबानेश्वर, ध्रुब प्रसाद न्यौपाने नेतृत्वको चेतना कन्स्ट्रक्सन प्रालिसँग पनि स्पष्टीकरण माग गरेको छ ।
