माध्यामि शिक्षकका लागि अध्यापन अनुमति पत्र (लाइसेन्स) को आवेदन खुला गरिएको छ । गत वैशाख २९ गतेको निर्णयअनुसार अध्यापन अनुमति पत्रको आवेदन खुला गरिएको हो ।

योग्यता र तालिम पुगेका इच्छुक व्यक्तिका लागि शिक्षक सेवा आयोगले आवेदन खुला गरिएको सूचनामा प्रकाशित गरेको छ । नियमअनुसार योग्यता र तालिम पुगेका इच्छुक व्यक्तिले आयोगको आधिकारिक अनलाइन मार्फत दर्खास्त दिनसक्ने बताइएको छ ।

जसअनुसार अनलाइन फाराम https://license.tsc.gov.np  मार्फत पेस गर्न सकिने सुचनामा जनाइएको छ । अनलाइन मार्फत फारम भरिसकेपछि व्यक्तिगत विवरण एवं पेस गरेका कागजातहरू राजस्व दस्तुर बुझाइसकेपछि परिमार्जित वा थपघट गर्न नमिल्ने आयोगले जनाएको छ ।

थप जानकारी आयोगको वेबसाइट www.tsc.gov.np बाट लिन सकिने पनि सुचना मार्फत जानकारी दिइएको छ ।