नक्कली नोट बोकेको भारतीय नम्बरको गाडी र चालक पक्राउ परेका छन् । जिल्ला प्रहरी पर्साको टोलीले नक्कली नोट बोकेको गाडीको चालक सहित दुई जनालाई पक्राउ गरेको हो ।

वीरगंज महानगरपालिका १६ को चालिसफिटे सडक खण्डमा चेक गर्दा  भारतीय नम्बर प्लेटको गाडीभित्र नेपाली पाँचसय र एकहजार दरको नक्कली नोट फेला परेको बताइएको छ । पक्राउ पर्नेमा सर्लाही जिल्लाको गोडौता नगरपालिका १२ का ३४ वर्षिय आनन्द बर्दन सिंह, बारा परवानीपुरका ३६ वर्षिय ओम प्रकाश साह रहेका छन् । उनिहरुलाई चेकजाँचका क्रममा प्रहरीले पक्राउ गरिएको हो ।

बीआर ०१ पीजी ६५७७ नम्बरको सेतो रङ्गको स्कार्पियोभित्र सेतो प्लास्टिकको झोलामा लुकाएर राखिएको अवस्थामा पाँचसय रुपैयाको ७२ थान र एकहजार रुपैयाका ४५० थान नक्कली पैसा फेला परेको थियो । साथै उक्त नक्कली रुपैया सँगै एक हजार दरका २ सय थान सक्कली रुपैया पनि बरामद भएको बताइएको छ ।