जुम्लामा हुने अभिनन्दन कार्यक्रमलाई पूर्व राजा ज्ञानेन्द्र शाहले सम्बोधन गर्ने भएका छन् । आज हुने अभिनन्दन कार्यक्रमलाई पूर्वराज शाहले सम्वोधन गर्ने भएका हुन् ।
केहि दिन अघि नागरिक अभिनन्दनमा सहभागी हुन पूर्वराजा ज्ञानेन्द्र सपरिवार नेपालगञ्ज पुगेका थिए । हाल नेपालगन्जमै रहेका पूर्व राजा ज्ञानेन्द्र शाह सँगै पूर्व युवराज्ञी हिमानी शाह पनि अभिनन्दन कार्यक्रममा सहभागी हुने बताइएको छ ।
कार्यक्रम तालिकाअनुसार पूर्व राजा शाहले करिब १ घण्टा जति चन्दनाथ र भैरवनाथको पूजाआजा गर्ने कार्यक्रम रहेको छ भने त्यस लगत्तै १ घण्टा नागरिक अभिनन्दन कार्यक्रममा सरिक हुनेछन् । अभिनन्दनका लागि भव्य तयारी रहेको उक्त कार्यक्रममा सहभागी हुन नेपालगञ्जबाट जाहज मार्फत जुम्ला जाने र साढे २ घण्टा त्यहाँ रहने कार्यक्रम रहेको छ ।
गत शुक्रबार पूर्वराजा ज्ञानेन्द्र शाहको बाँकेको नेपालगञ्जमा जय जयकारसहित नागरिक अभिन्दन गरिएको थियो ।
