मोरङको रतुवामाई नगरपालिका ५ गोविन्दपुरस्थित राजा सुनवर्षी मन्दिरमा सिरुवा मेला सुरु भएको छ । प्रतयेक वर्ष झैं यसवर्ष पनि बैशाख १ गते नयाँ वर्षका दिनमा राजा सुनवर्षीको पूजा आरधना गरि मेला सुरु गरिएको हो ।
बैशाख १ गते तराईका आदिवासी समुदायका ताजपुरिया, गनगाई, राजवंशी, थारु, माझी, चौधरीलगायतले आफना कुलदेवता सुनवर्षी महाराजको ग्रामथानमा फूलको घोडा चढाई पूजाआजा गर्ने प्रचलन रहेको स्थानीयको भनाई रहेको छ ।
तीन विघा १२ कठ्ठा क्षेत्रफलमा सुनवर्षी महाराजको ग्राम थान रहेको उक्त स्थानमा २ विघामा पोखरी रहेको छ । पाँच दशक अघि सो स्थानमा मेला लाग्दा पोखरीमा रहेको गोहीले मेलामा आउने भक्तजनहरुलाई भाडा कुडा दिने गरेको जनविश्वास रहेको पाइन्छ ।
