धौलागिरि बेसक्याम्पका लागि त्रिभुवन विमानस्थल काठमाडौंबाट उडेको हेली दुर्घटनामा परेको छ । आज बिहान त्यसतर्फ उडेको नोभेम्वर ब्राबो कलसाईनको एभरेष्ट हेली धौलागिरिमा अवतरण गर्ने क्रममा दुर्घटना परेको हो ।
उक्त हेली हिमाल आरोहणका लागि आवश्यक सामान लिएर क्यापटेन श्रीया अधिकारीले आज बिहान काठमाडौँबाट धौलागिरिका लागि उडाएकी थिइन् । हिमाल आरोहणका लागि आवश्यक सामान लिएर गएको हेली ल्याण्ड गर्ने क्रममा सामान्य दुर्घटनामा परेको बताइएको छ ।
दुर्घटना पछि अहिले क्याप्टेन अधिकारीलाई लिन डाइमेष्टिक एयरको अर्को हेलिकप्टर त्यसतर्फ पठाईएको बुझिएको छ । साथै उनी फर्केपछि घटनाबारे बिस्तृत विवरण थाहा हुने एभरेष्ट हेलिका अध्यक्ष मिङ्ग्मार शेर्पाले जानकारी दिएका छन् ।
