गत सात महिनामा विदेश अध्यन गर्न जाने ७९ हजार जना भन्दा बढिले अध्यन अनुमति पत्र (एनओसी) लिएका छन् । गत साउन देखि २०७९ चैत २२ गते सम्म ७९ हजार ३०९ जनाले विद्यार्थीले विदेश अध्यनका लागि एनओसी लिएका हुन् ।
हाल वैदेशिक अध्ययन अनुमति शाखाले एनओसीका लागि अनलाइन आवेदन दिएको एक दिनमा रुजु गर्ने र अर्को दिन एनओसी दिन थालेको बताएको छ । बिहीवार ६०९ अनलाइन आवेदन परेकामा ५२९ आवेदन स्वीकृत भएको बताइएको छ । स्वीकृत भएको ५ सय आवेदकले शुक्रबार एनओसी पत्र पाउनेछन् । मुलुक बाहिर विभिन्न देशमा अध्ययन गर्न जानको लागि अहिले औसतमा दैनिक ६ सय जनाले वैदेशिक अध्ययन अनुमति पत्रका लागि आवेदन दिइरहेको पनि शाखाले जनाएको छ ।
सेवाग्राहिको चापलाई मध्यनजर गर्दै शाखाले सेवा प्रवाहलाई सहज र छिटो बनाउदै लगेको दाबी गरेको छ । अनलाइनबाट आवेदन दिने, रुजु गर्ने र एनओसी पाउने समय सम्बन्धित विद्यार्थीलाई जानकारी गराउन थालेपछि लाइन लाग्नुपर्ने अवस्था घटेको शाखाले दाबी गरेको छ ।
शाखा प्रमुख बासुदेव वस्तीवस्तीले एनओसी लिन आउने विद्यार्थीलाई सहज सेवा दिन सम्भव भएसम्मको कोशिस भइरहेको बताउदै सेवाग्राहीको सहजताको लागि निशुल्क वाइफाइ सेवा दिने तयारी रहेको बताएका छन् ।
