नेपाल राष्ट्र बैंकका गभर्नर महाप्रसाद अधिकारीको ५ वर्षे कार्यकाल चैत २५ गते सकिदैछ, नयाँ गभर्नर कसलाई बनाउने राजनीतिक दाउपेच सुरू भइसक्यो । गभर्नर हुन लालायितहरू नेताको घरदैलो ढक्ढक्याउन थालिसकेका छन् । नेताको आशीर्वादले बन्ने गभर्नरले देशको होइन, नेतास्वार्थमा काम गर्नेछन् ।
सत्तामा कांग्रेसका देउवाको समर्थनमा एमाले अध्यक्ष प्रधानमन्त्री छन् । यसकारण जिज्ञासा छ– देउवा कि ओली, कसको भागमा पर्ला गभर्नर पद ?
गभर्नर बन्ने प्रतिस्पर्धामा डा. नीलम ढुंगाना, प्रकाश श्रेष्ठ, गुणाकर भट्ट र राजेन्द्रकिशोर क्षेत्री अग्रपंक्तिमा देखिएका छन् । डा.निलम गभर्नर बनिन् भने नेपालको इतिहासमा महिला गभर्नरको नाम स्थापित हुनेछ । अर्थमन्त्रीको नेतृत्वमा छनौट समिति बन्ने हुनाले निलम एमाले निकट भइकन पनि उनको सम्भाबना न्यून मानिएको छ । कारण अर्थमन्त्रीको नजरमा अर्का व्यक्ति रहेका छन् । गभर्नर महाप्रसाद ओली निकट हुन्, ओलीकै निकटे गभर्नर बन्ने अनुमान गरिदैछ । गुणाकर भट्ट देउवा निकटे हुन् । यद्यपि बाहिरबाट पनि सिफारिस हुनसक्नेछन् ।