राष्ट्रिय स्वतन्त्र पार्टी (रास्वपा)ले आज पहिलो वार्षिकोत्सव मनाउँदैछ । २०७९ साल असार ७ गते औपचारिक घोषणा गरिएको रास्वपाले आज पहिलो वार्षिकोत्सव मनाउने लागेको हो ।

आज पहिलो वार्षिकोत्सवको अवसरमा रास्वपाले बालाजुस्थित पार्टीको नयाँ केन्द्रीय कार्यालयमा चियापान कार्यक्रमको आयोजना गरेको छ । उक्त पार्टी स्थापना दिवसको अवसरमा प्रधानमन्त्री पुष्पकमल दाहाल (प्रचण्ड) लगायत राजनीतिक दलका शीर्ष नेतालाई आमन्त्रण गरिएको बताइएको छ ।

राष्ट्रिय स्वतन्त्र पार्टीको प्रथम वार्षिकोत्सव तथा चियापान कार्यक्रममा पूर्व प्रधानमन्त्री, मन्त्री, संवैधानिक निकायका प्रमुख, कूटनीतिक नियोगका प्रतिनिधिलगायत उपस्थित हुने बताइएको छ । उक्त  चियापान रास्वपाले पार्टी कार्यालयमा दिउँसो १ बजेदेखि सुरु गर्ने छ भने आज साँझ देशभर घण्टी बजाउने निर्णय समेत गरेको छ ।