निर्वाचन आयोगले आगामी आगामी साउन १ गतेदेखि विदेशमा रहेका नेपालीको मतदाता नामावली संकलन गर्ने भएको छ । सोमबार बसेको राष्ट्रियसभाको राष्ट्रिय तथा समन्वय समितिको बैठकले उक्त निर्णय गरेको हो ।
राष्ट्रियसभाको राष्ट्रिय तथा समन्वय समितिको बैठकमा प्रमुख निर्वाचन आयुक्त दिनेश थपलियाले आगामी १ साउनदेखि विदेशमा रहेका नेपालको मतदाता नामावली संकलन गर्ने जानकारी दिएका हुन् ।
मतदाता नामावली संकलनको पहिलो चरणमा युनाइटेड अरब इमिरेट्स, कतार, मलेसियामा मतदाता नामावली संकलन गरिने आयुक्त थपलियाले जानकारी दिएका छन् । थपलियाकाअनुसार बिदेशमा रहेका नेपालीहरुको बायोम्याट्रिकसहितको मतदाता नामावली संकलन गरिने बताइएको छ ।
विदेशमा रहेका नेपालीले अनलाइनमार्फत नेपालमा आफ्नो स्थायी ठेगानामा मतदाता नामावली कायम हुने गरी प्रि-जिस्ट्रेसन भरेपछि कूटनीतिक नियोगमा पुगेर आफ्नो फोटो र औंठाछाप दिनुपर्नेछ ।
