नेपाली कांग्रेसका नेता डा. मिनेन्द्र रिजालले राजनीति संगै अध्यापन पेशा शुरु गरेका छन् । डा. रिजालले आफू १९ वर्षपछि नियमित अध्यापन पेशामा फर्किएको जानकारी गराएका छन् ।

काठमाडौँ स्थित मध्यबानेश्वरको एपेक्स कलेजमा बिहान ८ देखि १० बजेसम्म अध्यापन सुरु गरेको उनले सामाजिक संजाल मार्फत जानकारी दिएका छन् । उनले सामाजिक संजाल मार्फत भनेका छन्, 'सुखद अनुभव, १९ वर्ष पछि नियमित रूपमा पढाउन थालेँ । अब हरेक आइतबार बिहान ८-१० बजे Apex College मा पढाउने छु,।'

पूर्व रक्षामन्त्री समेत रहेका नेपाली कांग्रेसका नेता डा. रिजाल १४ औँ महाधिवेशनमा महामन्त्रीमा पराजित भएका थिए । त्यसैगरी गत मंसिरमा सम्पन्न भएको प्रतिनिधि सभा निर्वाचनमा टिकट नपाएका उनलाई सभापति शेरबहादुर देउवाले केही समयअघि केन्द्रीय सदस्यमा मनोनीत गरेका थिए ।