नेपाल अन्तर्राष्ट्रिय शक्ति केन्द्रको शीतयुद्धको चपेटामा परिसकेको छ । नेपाल दिनप्रतिदिन पश्चिमाको खुनी पञ्जाको पासोमा फस्दै चीन विरोधी अखडा बन्दैछ । खासगरी, अमेरिका, यूरोपियन यूनियन र ईण्डिया पक्ष बलियो देखिएको छ । यीमध्ये पनि यूरो–अमेरिकनहरू सबैभन्दा बलिया छन् । उनीहरूले नेपालको राजनीति, न्यायपालिका, कानून ब्यवसायी, मानवअधिकारवादी, मिडिया, सुरक्षा र जासुसी संयन्त्रमा राम्रो प्रभाव जमाउन सफल छन् । अमेरिकीहरूको लागि प्रधानमन्त्री शेरबहादुर देउवा, उनकी श्रीमती, विश्वप्रकाश शर्मा लगायतको समूह सक्रिय छ । जो जसको नेतृत्व वा पक्षमा भए पनि सबैको एकमात्र उद्देश्य नेपाललाई ईशाइकरण गर्ने र यसलाई पश्चिमाको आधारभूमि बनाएर चीन टुक्र्याउने नै हो । यसतर्फ दिनप्रतिदिन उनीहरूले सफलतासाथ आफ्ना कदम अगाडि बढाएका छन् ।
नेपाल–चीन पारस्परिक सहयोग समाजका अध्यक्षको निष्कर्ष छ– नेपालको सत्ता देशद्रोही र चीन विरोधी शक्तिको नियन्त्रणमा जाँदैछ ।
चीनले उचित ध्यान दिएन भने हामी निरन्तर अस्थिरतामा जाकिनेछौं ।
पौडेलले निरन्तर उठाएका विषय यस्ता छन्–
– हाम्रो नियति ! जब पैसा र सत्ताकालागि विदेशीसँग राष्ट्रियता साट्नेलाई नेता भन्नुपर्ने हुन्छ, तब पराधिन हुने क्रम शुरू हुन्छ ।
– नेपालको सत्ता देशद्रोही र चीन विरोधी शक्तिको नियन्त्रणमा जाँदैछ ।
– चीनले उचित ध्यान दिएन भने हामी निरन्तर अस्थिरतामा जाकिनेछौं ।
– प्रधानमन्त्रीज्यू, यस्तै अवस्था रहिरह्यो भने मुश्किल छ है !
– नेपालमा तीनवटा सरकार छन् । देउवा नेतृत्वको देखिने सरकार । इण्डो–वेष्टर्न समानान्तर सरकार । दलाई लामाको सरकार ।
– नेपालका राजनीतिक दलहरू देश र जनताका लागि होइन विदेशीको नेपाल सिध्याउने मिशनका लागि काम गरिरहेछन् ।
– हामी सबै देशका लागि एकजुट होऔं । देशको मुद्दालाई सर्वाेपरी ठानेर गोलबन्द होऔं । मातृभूमिका लागि लड्ने समय हो यो ।