लिपुलेक–कालापानी–लिम्पियाधुरा सिमाना बारे सीमाविद बुद्धिनारायण श्रेष्ठ भन्छन्– नेपालको कालापानी क्षेत्र भारतले क्वाप्प पारेको छ । तर निल्न सकेको छैन । नेपाली भूभाग उसको किलकिलेमा अड्किएर रहेको छ । निलिहाल्न सकेको छैन, ओकल्न पनि सकेको छैन ।
अब उसको पछाडिको गर्धन अर्थात घुच्चुकमा नेपालले न्वारानको बल निकालेर नक्साको मुठोले प्वाक्क हान्न सकेमा भारतको किलकिलेमा अड्किएको कालापानी फुत्त ओकलिन्छ र नेपालतिर छड्किन्छ ।
कुरो बुझ्या खै हाम्रो सरकारले ?
एमसीसीबारे अमरिकी दूतावासको भनाइ– . अब नेपालले अनुमोदन गरे गरोस्, नगरे पनि केही छैन भन्ने खालको देखिन्छ ।
अमेरिकाको भनाइ खाए खा, नखाए घिच् भनेर नेपाललाई घिचाउन लागेको छ । नेपालले आफ्नो असंलग्न परराष्ट्र नीति, सार्वभौमिकता, स्वाधीनता जोगोउन निकै बुद्धिमत्तापूर्ण कूटनीति र रणनीति खेल्नुपर्छ ।