पूर्व उद्योगमन्त्री तथा एमाले नेता सोमप्रसाद पाण्डेले मन्त्री हुँदा खोल्न नसकेको गोप्यता भक्तपुर पुगेर पत्रकारका सामु यसरी खोलेका छन्–
नेपालमा पेट्रोलियमको खानी छ, विदेशीले दबाब दिएर उत्खनन गर्नै दिएनन् । विदेशीकै हस्तक्षेपका कारण उत्खनन कार्य ओझेलमा पर्यो । नेपालमका केही जिल्लामा पेट्रोलियमको राम्रो सम्भाबना छ, अन्य खनिज पनि छन् तर परनिर्भर बनाइराख्न छिमेकीले दबाब दिन्छ र उत्खनन गर्न रोकिन्छ ।
कुन भयले हो, सिधै भारतले भन्न सकेनन् सांसद सोम पाण्डेले । घुमाएर भए पनि उनले भारततिर संकेत गरे । भारतकै दबाबका कारण नेपालमा पेट्रोलियम पदार्थलगायतका उत्खनन् हुन नसकेको र नेपाललाई परावलम्बी बनाइएको उनको दावी रहेको छ ।
