बेलायतमा भएको क्याम्ब्रियन पेट्रोलमा ३५ देशका १४० टोलीमा नेपाली सेना पहिलो भयो, २०१७, १९, २५ पछि २०२६ मा पनि नेपाली सेना प्रथम भएको हो ।
सैनिक विज्ञहरू भन्छन्– नेपाली सेनामा व्यवसायिक क्षमता उत्कृष्ठ छ । यही समयमा प्रधानसेनापति पनि बेलायत भ्रमणमा हुनुहुन्थ्यो, नेपालको गौरव बढाउने यो अवसरमा उहाँले हौसला दिनुभएको समाचार छ । नेपाली सेनाले राष्ट्रसंघीय शान्ति मिसनका लागि होस् कि देशभित्रैका विपद् होस्, निर्वाह गरेको जिम्मेवारी, प्राकृतिक विपद्का बेला देखाएको साहस र कठिन परिस्थितिमा नागरिकको जीवन रक्षाका लागि गरेको समर्पण सदैव प्रशंसायोग्य रहेका छन् । स्मरणीय छ, नेपालले सन् १९५८ देखि राष्ट्रसंघीय शान्ति स्थापनाका अभियानमा निरन्तर योगदान दिदै आएको छ । करिब १ लाख ६० हजार नेपाली सैनिकले विश्व शान्तिका लागि मिसनमा सेवा गरिसकेका छन् । मिसनमा खटिदा ७० भन्दा बढी सैनिकले ज्यान पनि गुमाएका छन् ।