आज बिहान राष्ट्रपति रामचन्द्र पौडेल र प्रधानमन्त्री केपी शर्मा ओलीबीच भेटवार्ता भएको छ । बिहान शितलनिवास पुगेर राष्ट्रपति पौडेललाई प्रधानमन्त्री केपी शर्मा ओलीले भेटेका हुन् ।
प्रधानमन्त्री केपी शर्मा ओलीको सचिवालयका अनुसार प्रधानमन्त्री ओलीले बिहान शितलनिवास पुगेर राष्ट्रपति पौडेललाई भेटेको बताइएको छ । भूपरिवेष्ठित विकासशील राष्ट्रहरू (एलएलडिसी) को तुर्कमेनिस्तानमा भएको तेस्रो संयुक्त राष्ट्रसंघिय सम्मेलनमा भाग लिएर स्वदेश फर्किएपछि प्रधानमन्त्री ओलीले राष्ट्रपति पौडेलसँग भेटवार्ता गरेका हुन् ।
सचिवालयका अनुसार आज बिहानको भेटमा प्रधानमन्त्री ओलीले तुर्कमेनिस्तानमा भएको तेस्रो संयुक्त राष्ट्रसङ्घीय सम्मेलनका विषयमा राष्ट्रपति पौडेललाई जानकारी गराएको बताइएको छ भने भेटमा समसामयिक विषयहरूमा समेत कुराकानी भएको छ ।
