नेपाल कम्युनिष्ट पार्टीका संस्थापक महासचिव पुष्पलालको ४७ औं स्मृति दिवसका अवसरमा नेकपा एमाले रामेछाप नगर कमिटीले विशेष कार्यक्रम गर्ने भएको छ ।
आउँदो बुधबार स्मृति दिवसका अवसरमा नगर कमिटी र राष्ट्रिय जनसांस्कृतिक महासंघ, बागमती प्रदेश समितिको आयोजनामा विशेष कार्यक्रम आयोजना गर्न लागिएको हो ।
कमिटी सदस्य तथा प्रचार तथा प्रकाशन विभाग प्रमुख राकेश श्रेष्ठका अनुसार सो दिन रामेछापको भंगेरीमा स्मृति दिवस तथा जनवादी सांस्कृतिक कार्यक्रम आयोजना गरिँदैछ । कार्यक्रमको तयारी तीव्र रुपमा भइरहेको र भव्य रुपमा सफल बनाइने उनको भनाइ छ ।
