बरिष्ठ अधिबक्ता शम्भु थापाका साथै झण्डै डेढसय अधिवक्ताहरुको जुलुसै पूर्व प्रधानमन्त्री माधव नेपालको पक्षमा वकालत गर्न पुगे पनि अदालतले पतञ्जली जग्गा प्रकरणमा धरौटीमा मात्र छाडेको छ ।
पूर्व प्रम माधवकुमार नेपाल पतञ्जली भ्रष्टाचारमा ३५ लाख धरौटी बुझाएर छुटेका छन् । उनलाई जेल हुन्छ भन्ने धेरैले लख काटेका थिए । साउन १३ को यो घटनाले राजनीतिक र कूटनीतिक बृत्तमा समेत चर्चा बढेको छ ।
अदालतले पछि ठहरेअनुसार हुने आदेश दिएको छ । माधव नेपाललाई थुनछेक बहसमा अदालतको आदेशले ठूलै राहत दिएको छ । एमाले अध्यक्ष ओलीले फसाउन खोजेको, फसाउन नसकेको र भ्रष्टाचार नगरेको दावी माधव नेपाल र उनका पक्षले हल्ला गरिरहेका छन् । अख्तियारले मुद्दा दायर गरेपछिको यो घटनाक्रम भएको हो ।
विशेष अदालतका न्यायमूर्ति तेजनारायण सिंह राई, रामबहादुर थापा र विदुर कोइरालाको इजलासले पतञ्जली जग्गा प्रकरणमा भ्रष्टाचार मुद्दा हेरेका थिए ।
मन्त्रिपरिषद्को निर्णयका आधारमा हदबन्दी छुटको जग्गा सट्टापट्टा र किनबेच भएको भन्दै मन्त्रिपरिषद्को अध्यक्षता गर्ने पूर्वप्रधानमन्त्री माधवकुमार नेपाललाई साधारण तारिखमा छाड्न इन्कार गरेको छ । यसको अर्थ अदालतले भ्रष्टाचार भएकोमा मुद्दा विचाराधीन राखेको हो । आधारातमा बैंक ग्यारेण्टी राखेर माधव नेपाल घर हिडेका थिए । आधारातमा बैंक ग्यारेण्टी, शक्ति भएपछि जुनसुकै बेला बैंक उपलब्ध हुने पनि देखिएको छ ।