हेटौंडाको नेत्रज्योति टोलस्थित टोनी हागन स्मृति उद्यानमा टोनी हागनको शालिक बनाइएको छ । टोनी हागनलाई हेटौंडा शहरको परिकल्पनाकार मानिन्छ । ७५ वर्षअघि हेटौंडाको बाटो हुँदै काठमाडौं आएका हागनले हेटौंडा एउटा सुन्दर शहर बन्ने परिकल्पना गरेका थिए । टोनी हागनलाई नेपालका पुरातात्वीक र प्राकृतिक सौन्दर्य तथा अनेक योगदानले नेपालका लागि असल मित्रका रूपमा पनि चिनिन्छ ।
गतहप्ता हेटौंडाकी मेयर मीना लामा, पूर्व मेयर हरिबहादुर महत र हागनकी छोरी डा. क्याट्रिन हागनले शालिक अनावरण गरेका थिए । २०२० सालमा स्थापना गरिएको उद्यान एक बिघा चार कट्ठा क्षेत्रफलमा स्थापित गरिएको छ ।
छोरी क्याट्रिनले आभार प्रकट गरेकी छिन् । राजाको निम्तोमा नेपाल आएका हागनले नेपाललाई अनेक बौद्धिक गुण लगाएका छन् । टोनी हागन फाउन्डेशन नेपालमा कार्यरत रहेको छ ।