विविध कारणबस चैत ५ गतेका लागि तोकिएको स्ववियु निर्वाचन हुन नसकेका क्याम्पसहारले १५ दिनभित्र निर्वाचन गर्न त्रिभुवन विश्वविद्यालयले निर्देशन दिएको छ । त्रिविलेको स्ववियु निर्वाचन केन्द्रीय अनुगमन तथा समन्वय समितिले स्ववियु निर्वाचन हुन नसकेका क्याम्पसमा १५ दिनभित्र गर्न निर्देशन दिएको हो ।
चैत ५ गते मंगलबार भएको निर्वाचनमा देशभरि ३८ आङ्गिक र २५० सम्बन्धन प्राप्त क्याम्पसमा निर्वाचन भएको थियो । विद्यार्थी सङ्गठनको आन्तरिक विवादका कारण त्रिवि केन्द्रीय क्याम्पस, पद्मकन्या क्याम्पस, रत्न राज्यलक्ष्मी (आरआर) क्याम्पस, नेपाल ल क्याम्पस, विश्वभाषा क्याम्पस जस्ता उपत्यकाका प्रमुख आङ्गिक क्याम्पसमा निर्वाचन भएको छैन ।
त्यस्तै उपत्यकाबाहिर वीरेन्द्र बहुमुखी क्याम्पस चितवन, सिद्धनाथ विज्ञान क्याम्पस महेन्द्रनगर, सुर्खेत बहुमुखी क्याम्पस सुर्खेतलगयातका क्याम्पसमा पनि निर्वाचन हुन सकेन भने निर्वाचन भएका क्याम्पसहरुको परिणमाम आउने क्रम जारी छ ।
