यसअघि चैत्र ३ गते प्रतिनिधि सभामा नेपालमा पर्यटन विकासका लागि यौन व्यवसाय खुला गर्नुपर्ने धारणा राखेका नेपाली कांग्रेसका प्रमुख सचेतक श्याम घिमिरेले माफी मागेका छन् । उनको उक्त धारणाको चौतर्फी आलोचना भएपछि घिमिरेले माफी मागेका हुन् ।
कांग्रेसका प्रमुख सचेतक घिमिरेले प्रतिनिधिसभामै माफी मागेका हुन् । उनले प्रतिनिधिसभामा बोल्दै ‘मेरो अभिव्यक्ति कांग्रेसको आधिकारिक धारणा होइन । मेरो धारणाले माननीय सदस्य र नागरिकको सम्मान गर्दै माफी माग्दछु' भनेका छन् ।
सोहि विषयमा हिजो कांग्रेस सभापति शेर बहादुर देउवाको निवास बुढानीलकण्ठमा बसेको कांग्रेस पदाधिकारी बैठकमा पनि सांसद घिमिरेले पार्टीकै साथीहरूबाट आलोचना सहनुपरेको थियो । त्यसपछि आज प्रतिनिधि सभाको बैठकमा उनले माफी मागेका हुन् ।
