फागुन २५ गतेको लोकप्रदर्शन र राजाको स्वागतमा देखिएको भीडपछि विश्लेषकहरूले प्रश्न उठाएका छन्– देश ठूलो कि देश ? लोक ठूलो कि लोकतन्त्र ? सबैले मानेका छन्, प्रजातन्त्रको बिकल्प छैन । प्रजातन्त्र भनेको नेताहरूले, नेताहरू मिलेर, नेता र तिनका परिवारजनका लागि लाभ दिन व्यवस्था कदापि होइन । लोकतन्त्र लोकको जीवन पद्धति हुनुपर्छ, लोकजीवन हुनुपर्छ । लोकले घृणा गर्ने नेता र तिनको मनलागीतन्त्र कदापि लोकतन्त्र हुनसक्दैन ।
विश्लेषकहरूको थप प्रश्न छ– देश सिध्याएर दल जोगाउने, दल सिध्याएर गुट जोगाउने, गुट सिध्याएर अनैतिकता जोगाउने र आफुलाई सिध्याएर कुर्सी  जोगाउने, अवसरवाद र स्वार्थ कायम राख्ने लोकतन्त्र हुनैसक्दैन । लोकतन्त्र भनेको देश र जनताको तन्त्र हो । यतिबेला कहाँ छ लोकतन्त्र ?
लोकतन्त्रका नाममा लूटतन्त्र छ, राज्यसञ्जाल नै भ्रष्टाचारमा लिप्त छ, सुशासन कतै छैन, सुशासनको झल्का र झिल्का पनि छैन । आशा नै नभएपछि जनाक्रोश बढ्नु स्वभाविक हो । सडकमा जे देखियो, त्यसबाट चेत्ने कि नचेत्ने ?