नारायणमान बिजुक्छे रोहित अर्थात सदावहार र सच्चा कामरेड ।
राजा पनि राजनीतिक शक्ति हो, सहमतिको राजनीति गर्नैपर्छ भन्ने सोच राख्ने कामरेड रोहितले पटक पटक सत्तामा जाने अवसर छोपेनन् । सदैव सडकमा बसेर देश र जनताको आवाज बोक्ने नेमकिपा पार्टीले फेरि पनि अध्यक्ष चुनेको छ । बिजुक्छे यस्ता कमरेड हुन्, जसलाई कसैले ढोंगी भन्दैनन् । उनमा सत्ता र शक्तिमोह पटक्कै छैन । सादगी उनको पहिचान हो । जनता उनको सिद्धान्त हो ।
पुन अध्यक्षमा सर्वसम्मत चयन भए पछि नारायणमान बिजुक्छेँले भन्नुभयो ः ‘साथीहरूले पार्टी सम्हाल्ने जिम्मेवारी फेरी मलाई दिनुभयो । जहिलेसम्म सकिन्छ त्यही बेलासम्म निःस्वार्थ भावनाले देश र जनताप्रति समर्पित भएर सेवा  गर्छु ।’