आउदो चैत ५ गते हुने स्ववियु निर्वाचनका लागि उम्मेदवारी दर्ता सुरु भएको छ । आज बिहान ११ बजेदेखि दिउँसो २ बजेसम्म उम्मेदवारी दर्ता गर्न लागिएको हो ।
स्ववियु निर्वाचनका लागि प्रत्यक्ष र समानुपातिक दुवै तर्फको उम्मेदवारको मनोनयन पत्र नामावली दाखिला गर्ने समय आज दिउँसो २ बजेसम्म तोकिएको छ । आजै उम्मेदवारको नामावली पनि प्रकाशित हुने बताइएको छ ।
भोलि फागुन २८ गते दुवै तर्फको उम्मेदवारको नामावली उपर दाबी विरोध गर्ने समय तोकिएको छ भोलि नै दुवै तर्फको दाबी विरोध उपर छानबिन गरी उम्मेदवारको नामावली प्रकाशित गर्ने कार्यतालिका रहेको छ ।
त्यस्तै स्ववियु निर्वाचनका लागि फागुन २९ गते उम्मेदवारको नाम फिर्ता लिने र अन्तिम नामावली सार्वजनिक गरिने छ भने आगामी चैत ५ गते बिहान ८ बजेदेखि अपराह्न ४ बजेसम्म मतदान हुनेछ ।
