निजी तथा आवासीय विद्यालय अर्गनाइजेसन नेपाल (प्याब्सन) को १६औं राष्ट्रिय महाधिवेशनबाट कृष्ण अधिकारी अध्यक्षमा छनौट भएका छन् । १६औं राष्ट्रिय महाधिवेशनबाट अधिकारी अध्यक्षमा 
सर्वसम्मत चयन भएका हुन् ।

काठमाडौंमा आयोजित १६औं राष्ट्रिय महाधिवेशनले अधिकारीलाई सर्वसम्मत छनौट गरेको हो । प्याब्सनको अध्यक्षमा टीका पुरीले पुनः दोहोरिने आकांक्षा राखेको भएपनि अधिकारीलाई जिताउन नेकपा एमालेले आन्तरिक सर्कुलर नै गरेको थियो ।

विवाद बढेपछि पुरी पछि हटेसंगै भ्याली पब्लिक स्कुलका सञ्चालक समेत रहेका कांग्रेस निकट मानिने स्याङ्जाका अधिकारी सर्वसम्मत छनौट भएका थिए भने अन्य पदाधिकारीमा पनि सर्वसम्मतको प्रयास भइरहेको बताइएको छ । मध्यान्ह साढे १२ बजे प्याब्सनको अधिवेशनको प्रधानमन्त्री केपी शर्मा ओलीले उद्घाटन गर्ने कार्यक्रम रहेको छ ।