एमसीसी आयो, अमेरिकी सेना आउँछ, बुठ बजार्छ भन्ने प्रचार हल्ला साबित भयो । सेना आएन, दिएको सहयोग समेत फिर्ता भयो, स्थगित भयो । कम्युनिष्टहरूको अतिप्रचार कतिसम्म घातक हुनेरहेछ प्रष्ट भयो ।
घटनाक्रमले यसरी कोल्टो फेरेको देखियो कि न अमेरिकी सेना आउने भयो, न नेपालबाट चीनलाई घेर्ने चिन्ता नै सत्य सावित भयो ।
जेलेनस्कीलाई उचाल्नेले स्वार्थका लागि पछारिदिए । माओवादीलाई उचाल्ने भारतले प्रचण्डलाई सडकमा पु¥यायो । कसले सोचेको थियो, अमेरिका रूसका पक्ष र युक्रेनका विपक्षमा मतदान गर्छ ?
नेपालमा अहिलेको देशको अवस्था आँधी आउनुअघिको जस्तो छ । थोरै सन्नाटा छाएको छ । अब आँधी आउनेछ, कसकसलाई उडाउने हो ? विश्लेषकहरूको निष्कर्ष छ, नेपालको स्थिति साह्रै सकस र संकटपूर्ण भइसकेको छ ।
फागुन २२ गते चोरबाटोबाट अमेरिकामा पसेका र अनियमितताका साथ अमेरिका बसेका ८ नेपालीलाई अमेरिकाले नेपाल ल्याइदिएको छ । गत जनवरी २० मा डानाल्ड ट्रम्प राष्ट्रपति भएपछि ३७ नेपाली फर्काइएका छन् भने १३६५ खतराको सूचीमा रहेका छन् । कतिपय नेपालीलाई आएकै बाटो पनामा फर्काएको र उनीहरु असरल्ल परेको खबर आएका छन्, चोरबाटोमै कतिपय नेपाली फसेका खबर पनि छन् । तर सरकारले केही निर्णय लिएको छैन । यसैवीच २ नेपाली विद्यार्थी बलात्कारमा फसेका छन्, उनीहरुले अदालतसामु बलात्कार गरेको स्वीकार गरेको खबर छ ।
यसैवीच फागुन २२ कै संसदमा नेपालीलाई हतकडी लगाएर नेपाल फर्काइएकोमा मानवाधिकारको हनन भएको आवाज उठेको छ ।