Advertisement Banner
Advertisement Banner

२१ शुक्रबार, चैत्र २०८१23rd July 2024, 10:09:55 am

स्ववियु निर्वाचनका लागि संगठन दर्ता हुँदै

१९ सोमबार , फाल्गुण २०८१एक महिना अगाडि

स्ववियु निर्वाचनका लागि संगठन दर्ता हुँदै

त्रिभुवन विश्वविद्यालय स्वतन्त्र विद्यार्थी युनियन (स्ववियु) निर्वाचनका लागि आज संगठन दर्ता हुँदैछ । आगामी चैत ५ गते हुने स्ववियु निर्वाचनका लागि संगठन दर्ता गर्न लागिएको हो ।

आज दिउँसो तीन बजेसम्म देशभरका क्याम्पसहरुमा विद्यार्थी संघ संगठन दर्ता गर्न लागिएको बताइएको छ । त्रिविले सार्वजनिक गरेको तालिकाअनुसार फागुन २१ गते मतदाता सूची प्रकाशित गर्ने, २५ गते मतदाता सूची उपर दाबी विरोध गर्ने र २५ गते मतदाता सूची उपर दाबी विरोधको छानबिन गरी अन्तिम नामावली प्रकाशित गर्ने कार्यक्रम रहेको छ ।

फागुन २६ गते उम्मेदवारका लागि मनोनयनपत्र वितरण गरि प्रत्यक्ष र समानुपातिक दुवै तर्फको उम्मेदवारको मनोनयन पत्र नामावली दाखिला फागुने २७ गते गरिने त्रिविको सूचनामा उल्लेख गरिएको छ ।

त्यसैगरी फागुने २७ गते नै दुवै तर्फको उम्मेदवारको नामावली प्रकाशित गर्ने र फागुन २८ गते दुवै तर्फको उम्मेदवारको नामावली उपर दाबी विरोध गर्ने कार्यक्रम रहेको छ । म्मेदवारको नाम फिर्ता लिने अन्तिम समय फागुन २९ गतेलाई तोकिएको छ ।