गत असोजको बाढीले बगाएको बीपी राजमार्ग पुनर्निर्माणमा नेपालले आग्रह गरेपछि जापानले मन बुझ्यो, मर्मत गरिदिने घोषणा हुनमात्र बाँकी रहेको छ । जापानले अनुदानमै मर्मत गरिदिने सम्भाबना बढी छ । तर ऋण मागेर कमिशन खानेहरू पनि सकृय हुनथालेका समाचार छन् । खन्चुवाहरू खानैका काल देखिए ।
जाइकाले मर्मतका लागि यातायात मन्त्रालयसँग छलफल थालेको छ । यही छलफलपछि जापानले निर्माण गरिदिएको वीपी राजमार्ग मर्मतको ढोका खुल्नेछ ।
बीपी राजमार्गको भक्तपुर खण्डका लागि ७ अर्ब ५० करोड र खुर्कोट खण्डलाई एक अर्ब लाग्ने र स्रोत सुनिश्तिता भएको अर्थले जनाएको छ । जापानले पुननिर्माणको अध्ययन गराइसकेकोले अनुदान दिए स्वीकार्ने सरकारी भनाइ छ । जापानले नदिए बिपद कोष उपयोग गर्न सकिने पनि भनिदैछ । तर जाइका नै वार्तामा आएपछि जापानले मर्मत गरिदिने करिब करिब टुङ्गोको कुरा हो ।
बीपी राजमार्ग १६० किलोमिटरको छ । जापानकै आर्थिक र प्राविधिक सहयोगमा बनेको हो । सन् २००५ मा जापानले निर्माण सुरू गरेको यो राजमार्ग २६ अर्ब यन खर्च गरेर सन् २०१५ मा सम्पन्न गरेको थियो । भूकम्पको मार र बाढीपहिरोको चपेटामा परेको यो राजमार्गको पूर्ण क्षतिलाई जापानले सहयोग दिदै आएको छ ।