एफएटीएफको ग्रे लिस्ट, युरोपको ब्ल्याक लिष्ट, अमेरिकाको ठग लिष्ट, भारत–चीनको मगन्ते लिष्टमा छ नेपाल । हाम्रो विश्वमा इज्जत कहाँ थियो, कहाँ पुग्यो ? १५ वर्ष भइसक्यो नेपालका जहाजलाई युरोपले ब्ल्याक लिस्टमा राखेको । दोस्रोपल्ट हो ग्रे लिस्टमा परेको । नेपालमा दण्डहीनता, अपराधकर्मबाट पैसा कमाउने प्रवृत्ति भएकोले सम्पत्ति शुद्धिकरणमा पछि परेको गम्भीर आरोप पनि छ । एमसीसी स्थगित गर्दै, नेपाललाई संघीयता र जैविक विविधताका लागि दिने ३९ अर्ब अमेरिकाले रद्द मात्र गरेन, नेपालमाथि ठगी ‘फ्रड’को आरोप पनि लगायो ।
राजनीतिक अराजकता, भ्रष्टाचार, नैतिक र सिद्धान्तहीनताले रोगाएको राष्ट्रिय चरित्र र बढ्दो विदेशी अविश्वासले आन्दोलित समाजमा अमेरिकालगायतका मुलुकले शासक, प्रशासक, नेताले लिएका विदेशी नागरिकता, ग्रिनकार्ड, तिनले ठगेका इतिबृतान्त देखाइदिए के होला ?