Advertisement Banner
Advertisement Banner

२१ शुक्रबार, चैत्र २०८१23rd July 2024, 10:09:55 am

आजबाट नेमकिपाको आठौं महाधिवेशन सुरू

१६ शुक्रबार , फाल्गुण २०८१एक महिना अगाडि

आजबाट नेमकिपाको आठौं महाधिवेशन सुरू

आजबाट नेपाल मजदुर किसान पार्टी (नेमकिपा)को आठौं महाधिवेशन सुरू हुँदैछ । यही फागुन १९ गतेसम्म चल्ने महाधिवेशनकाे दिउँंसो १ बजे सल्लाघारीमा उदघाटन समारोह हुने भएकाे हाे ।

महाधिवेशनमा सहभागी हुन काठमाडौं उपत्यकासहित सातवटै प्रदेशका जिल्लाहरुबाट प्रतिनिधि, पर्यवेक्षक र कार्यकर्ताहरु भक्तपुर आइपुगेका छन् । बिहान १० बजे कमलविनायकको लान्चाफल्चा, मध्यपुरथिमिको बोडे, सूर्यविनायकको सूर्यविनायक बस बिसौनी, काठमाडौंको कोटेश्वर, ताथलीलगायत ठाउँबाट झाँकीसहित निकालिने र्‍याली उदघाटन समारोहस्थल सल्लाघारी पुगेर सभामा परिणत हुने बताइएकाे छ ।

महाधिवेशनकाे पहिलाे दिनदेखि नै सुरु हुने बन्दसत्रले विभिन्न एजेन्डामा छलफल गर्दै नयाँ नेतृत्व समेत चयन गर्ने बताइएकाे छ । स्थापना कालदेखि सातौं महाधिवेशनसम्म पार्टी संस्थापक अध्यक्ष नारायणमान बिजुक्छे (रोहित) नै सर्वसम्मत अध्यक्ष चुनिँदै आएका छन् ।

विक्रम संवत २०३१ साल माघ १० गते विजुक्छेको नेतृत्वमा नेमकिपा स्थापना भएको थियाे भने पार्टीकाे पहिलो महाधिवेशन २०४७ सालमा भैरहवामा भएको थियो । आजबाट सुरू भएकाे आठौं महाधिवेशनले बिजुक्छेलाई नै निरन्तरता दिन्छ वा नयाँ नेतृत्व चुनिन्छ भन्ने निकै चासाेकाे विषय बनेकाे छ ।