नेपाली कांग्रेसका सभापति शेरबहादुर देउवा भारत नजाने भएका छन् । प्रयागराजमा जारी महाकुम्भ मेलामा जाने तयारीमा रहेका सभापति देउवाले अन्तिम समयमा भारत भ्रमण रद्द गरेका हुन् ।
सत्तारुढ दल नेपाली कांग्रेसका सभापति देउवा अन्तिम समयमा भारत नजाने पक्का भएको हो । यसअघि इन्डिया फाउण्डेसनले ‘कुम्भ ग्लोबल समिट अन डेभलपमेन्ट एण्ड सस्टेइनबेलीटी’ कार्यक्रममा वक्ताको रुपमा देउवालाई निमन्त्रणा पठाएको थियो ।
निमन्त्रणा पछी भारत जाने तयारी गरेका सभापति देउवाले उक्त कार्यक्रममा नजाने निर्णय गरेका हुन् । तर, कांग्रेसका सभापति देउवाले भारत भ्रमण रद्द गर्नुका कारणबारे केहि खुलाएका छैनन् ।
