केहीबेर अगाडी सुरू भएकाे नेकपा एमालेको र्याली दरबारमार्ग पुगेर जागरणसभा परिणत हुँदैछ । र्याली भद्रकालीबाट सुरु भएर दरबारमार्ग पुगेर सभामा परिणत हुने भएकाे हाे ।
नेकपा एमालेले जागरणसभाका लागि काठमाडौँ, भक्तपुर, ललितपुरलगायत आसपासका जिल्लाबाट एक लाख मानिस उपस्थित गराउने तयारी रहेको छ । एमाले काठमाडौँ, भक्तपुर र ललितपुर जिल्ला कमिटीले आज दरबारमार्गमा जागरण सभा कार्यक्रम आयोजना गरेकाे हाे ।
कार्यक्रमलाई एमाले अध्यक्ष तथा प्रधानमन्त्री केपी शर्मा ओलीलगायतका नेताहरूले सम्बोधन गर्ने कार्यक्रम रहेकाे छ ।
राष्ट्रिय सद्भाव र राष्ट्रिय एकता कायम गर्ने उद्देश्यले उक्त जागरणसभा आयोजना गर्न लागिएको एमालेकाे आजकाे र्याली पञ्चेबाजासहित सुरु भएको र सहभागीहरूले सरकारको समर्थनमा विभिन्न नाराबाजी गरिएकाे छ ।
