केन्द्रमा कांग्रेस एमालेको गठबन्धन सरकार बनेसंगै प्रदेशमा नयाँ नियुक्त भएका प्रदेशप्रमुखहरूले आज सपथ लिने तयारी गरेका छन् । उनीहरूले आज साँझा ५ बजे शीतलनिवासमा सपथ लिने तयारी भएको हो ।
नयाँ गठबन्धन बनेर संघिय सरकार परिवर्तन भएसंगै त्यसको असर प्रदेशमा समेत परेकाले प्रदेश सरकार र प्रदेशप्रमुखहरु समेत परिवर्तन भएका हुन् । नवनियुक्त प्रदेशप्रमुखहरूले आज पद तथा गोपनीयताको शपथ लिने कार्यक्रम तय भएको हो ।
नयाँ नियुक्त भएका प्रदेशप्रमुखहरुमा बागमतीका दीपकप्रसाद देवकोटा, लुम्बिनीका कृष्णबहादुर घर्तीमगर र कर्णालीका यज्ञराज जोशीले राष्ट्रपति रामचन्द्र पौडेलसमक्ष प्रदेशप्रमुखको शपथ लिन लागेका हुन् ।
हिजो साउन १६ गते बुधबार मन्त्रिपरिषद्को सिफारिसमा संविधानको धारा १६३ को उपधारा (२) बमोजिम राष्ट्रपति पौडेलले उनीहरूलाई प्रदेशको प्रमुख नियुक्त गरेका हुन् ।
