राष्ट्रिय प्रजातन्त्र पार्टी (राप्रपा)ले ४० बुँदे माग सहित जनदबाब सिर्जना गर्न चैत १६ गते काठमाडौंमा जनप्रदर्शन गर्ने पार्टीको निर्णयको मिति परिवर्तन भएको छ । पार्टीको कार्यसम्पादन समितिको बैठकले चैत १६ गतेको जनप्रदर्शनलाई २७ गतेका लागि सारेको हो ।

राप्रपाले सरकारलाई दबाब दिन भन्दै तय गरेको प्रदर्शनको समयमा एसईई परीक्षा चल्ने भएकाले लाखौँ विद्यार्थी, अभिभावकलाई असुविधा पर्ने भन्दै जनप्रदर्शनको मिति सारेको बताएको छ । सोहि अनुसार पार्टीले चैत १६ गतेका लागि तय भएको प्रदर्शन २७ गतेका लागि सारेको छ ।

राप्रपाले नेपाल सरकारसमक्ष पेश गरेको ४० बुँदे माग पूरा गराउन जनदबाब सिर्जना गर्न चैत १६ गते काठमाडौंमा जनप्रदर्शन गर्ने निर्णयको मिति परिवर्तन गर्ने र चैत २७ गते गर्ने निर्णय गरिएको  राप्रपाद्धारा जारि विज्ञप्तिमा उल्लेख गरिएको छ ।