प्रधानमन्त्री पुष्पकमल दाहाल प्रचण्डले नयाँ सत्ता समीकरण बनेसँगै जनता समाजवादी पार्टी (जसपा)लाई समेटेर आज तेस्रोपटक मन्त्रिपरिषद बिस्तार गर्ने भएका छन् । प्रधानमन्त्रीले जसपा पार्टी अध्यक्ष उपेन्द्र यादवको नेतृत्वमा सरकारमा सहभागी गराएर मन्त्रिपरिषद बिस्तार गर्ने भएका हुन् ।
पुरानो सत्ता गठबन्धन टुटेर नयाँ सत्ता गठबन्धन बनेसँगै प्रधानमन्त्री पुष्पकमल दाहाल प्रचण्डले नेकपा एमाले, रास्वपा, नेकपा एसलाई समेटेर मन्त्रिमण्डल बनाएका छन् । आज जसपाक अध्यक्ष
यादवले उपप्रधानमन्त्री तथा स्वास्थ्यमन्त्री, अर्का नेता नवलकिशोर साहलाई वन तथा वातावरण मन्त्रालयको जिम्मेवारी दिने तयारी रहेको छ भने जसपाकै दीपक कार्की स्वास्थ्य राज्यमन्त्री बन्ने र आजै शपथ ग्रहण गर्ने तयारि रहेको बताईएको छ ।
यसअघि एमाले, माओवादी केन्द्र, राष्ट्रिय स्वतन्त्र पार्टी (रास्वपा) र एकीकृत समाजवादी सरकारमा सहभागी भइसकेका छन् । उक्त दलका मन्त्रीहरूले जिम्मेवारी सुरू गरिसकेको भएपनि जसपा भने सरकारमा सहभागी हुन ढिला भएको थियो ।
आज सरकारमा जसपालाई पनि समेटेपछि बहुमत पुग्ने हुँदा प्रधानमन्त्री प्रचण्डले फागुन ३० गते संसदबाट विश्वासको मत लिने तयारी गरेको बताईएको छ ।
