आज बिहान प्रधानमन्त्रीको सरकारी निवास बालुवाटारमा बसेको समाजवादी मोर्चाको बैठकले समाजवादी मोर्चाको संयोजक नेकपाका महासचिव नेत्रविक्रम चन्द विप्लवलाई बनाएको छ ।  आलोपालो नेतृत्व गर्ने प्रावधानअनुसार विप्लवालाई मोर्चाको संयोजक बनाईएको हो ।  

यसअघि मोर्चाको नेतृत्व नेकपा एकीकृत समाजवादीका अध्यक्ष माधवकुमार नेपालले गरेकोमा आलोपालो नेतृत्वको अवधारणाअनुसार अबको मोर्चाको संयोजकमा विप्लवलाई तोकिएको बताईएको छ । समसामयीक, राजनीतिक परिस्थितिको बारेमा समीक्षा भएको आजको बैठकले मोर्चालाई गतिशिल र प्रभावकारी बनाउनुपर्नेमा जोड दिइएको छ ।  

बैठकमा समसामयीक, राजनीतिक परिस्थिति र मोर्चाले गरेको कमी कमजोरीलाई सच्याएर अघि बढ्ने बताएईएको छ । थुप्रै त्रुटिहरुको बाबजुद मोर्चालाई प्रभावकारी ढंगले अघि बढाउन आगामी दिनमा अझ शक्तिशाली र प्रभावकारी हुनुपर्नेमा जोड दिईएको छ ।