यहि माघ ११ गते हुने राष्ट्रियसभा निर्वाचनलाइ हाम्रो नेपाल पार्टीले बहिष्कार गर्ने भएको छ । उक्त पार्टीकाे केन्द्रीय कमिटीको बैठकले राष्ट्रियसभा निर्वाचन बहिष्कार गर्ने निर्णय गरेको हाे ।
पार्टीले राष्ट्रियसभा निर्वाचनमा राजनीतिक दलहरुबीच सीट भागबण्डाका क्रममा आर्थिक चलखेलको गन्ध आएको दाबी गर्दै बहिष्कार गर्ने निर्णय गरेको बताएकाे छ । हिजाे बसेको पार्टीको केन्द्रीय कमिटीको बैठकले माघ ११ मा हुने राष्ट्रिय सभाको निर्वाचन बहिष्कार गर्ने निर्णय गरेको जानकारी दिइएकाे छ ।
पार्टीको केन्द्रीय कमिटीको बैठकले राजनीतिक दलहरुबीच सीट भागबण्डामा आर्थिक चलखेलको भएको दाबी सहित निर्वाचन बहिष्कार गर्ने निर्णय गरेको प्रवक्ता ई. डिल्लिश्वोर कार्की (रोहन)ले विज्ञप्तिमार्फत जानकारी गराएका छन् । हाम्राे नेपाल पार्टीको बागमती प्रदेशमा २ जना सांसद छन् ।
