निर्वाचन आयोगले राष्ट्रियसभा सदस्य निर्वाचनअन्तर्गत आज अन्तिम मतदाता नामावली प्रकाशन गर्दैछ । आयोगले निर्वाचन अधिकृतको कार्यालयमा अन्तिम मतदाता नामावली प्रकाशन गर्न लागेको हो ।
पुस २० गतेदेखि प्रकाशित मतदाता नामावलीमा दाबी विरोधको समय सकिएपछि अन्तिम मतदाता नामावली प्रकाशन गर्न लागेको आयोगले बताएको छ । अब पुस २३ गते बिहान १० देखि दिउँसो ३ बजेसम्म उम्मेदवारको मनोनयन दर्ता गरिने र पुस २७ गते उम्मेदवारको अन्तिम नामावली प्रकाशन गरिने बताईएको छ ।
निर्वाचन कार्यतालिका अनुसार पुस २८ गते बिहान १० देखि दिउँसो १ बजेसम्म उम्मेदवारलाई निर्वाचन चिह्न प्रदान गरिने छ । त्यसैगरी माघ ११ गते राष्ट्रियसभामा रिक्त १९ पदका लागि निर्वाचन गरिने तयारि छ ।
