नेकपा एमालेका अध्यक्ष केपी शर्मा ओलीले आज विशेष पत्रकार सम्मेलनको आयोजना गर्ने तयारी गरेका छन् । आज दिउँसो १ बजे एमालेकाे पार्टी कार्यालय तुलसीलाल स्मृति प्रतिष्ठानमा पत्रकार सम्मेलनको आयोजना गर्ने तयारी गरेका हुन् ।

एमाले प्रचार विभाग प्रमुख राजेन्द्र गौतमका अनुसार एमालेले गत मंसिर १४ देखि पुस १ गतेसम्म बैतडीको झुलाघाटदेखि पाँचथरको झुलाभञ्ज्याङसम्म ‘सम्मृद्धिका लागि संकल्प यात्रा’ आयोजना गरेकाे र उक्त कार्यक्रम बारे जानकारी दिन पत्रकार सम्मलेनकाे आयोजना गरिने बताइएकाे छ ।  

बैतडीको झुलाघाटदेखि पाँचथरको झुलाभञ्ज्याङसम्मकाे यात्राका क्रममा बटुलेका अनुभव, समीक्षा र सन्देशका बारेमा पार्टीको औपचारिक धारणा सार्वजनिक गर्न एमाले अध्यक्ष ओलीसहितका केन्द्रीय पदाधिकारीको उपस्थितिमा विशेष पत्रकार सम्मेलन आयोजना गरिने एमालेले जनाएको छ ।