जल तथा मौसम विज्ञान विभागले तापक्रम घट्दो क्रममा रहेकाले सतर्क रहन आग्रह गरेको छ । तापक्रम घटेर १० डिग्री सेल्सियस सम्म पुएपछी चिसो बढेकाले सतर्क रहन विभागले आग्रह गरेको हो ।
हिजो आइतबार काठमाडौंको १०.८ डिग्री सेल्सियस रहेको मौसम आज बिहान हल्का बढेर १२ डिग्री सेल्सियस रहेको विभागले जनाएको छ । दिउसको समयमा हल्का तातो महसुस भएपनि बिहान बेलुकी चिसो बढेकाले सतर्क रहन विभागले आग्रह गरेको हो ।
यो वर्ष हालसम्म सबैभन्दा कम काठमाडौंको तापक्रम १० डिग्री सेल्सियससम्म पुगेको छ । अक्टोबर २२, २३ र २४ मा काठमाडौंको तापक्रम १० डिग्री सेल्सियस थियो । त्यसयता भने काठमाडौंको तापक्रम १० डिग्री सेल्सियसभन्दा माथि नै रहेको छ ।