नेपालको किसानले उत्पादन गरेको गोलभेडाको बजार मूल्य नपाउने गरेको हाम्रो देशमा एक आर्थिक बर्षमा झन्डै ५५ करोडको गोलभेडा आयात भएको दिखिएको छ । चालु आर्थिक वर्ष २०७८/७९ मा मत्रै भारत, ईन्डोनेसिया बाट मात्रै ५२ करोड ६४ लाखको गोलभेडा आयात गरिएको छ ।
चालू आर्थिक वर्ष २०७८/७९ मा विदेशबाट ५२ करोड ६४ लाख रुपैयाँको गोलभेँडा आयात भएको छ । भन्सार विभागले दिएको जानकारी अनुसार साउनदेखि चैत महिनासम्मको अवधिमा उक्त मूल्य बराबरको ३९ करोड ५२ लाख किलोग्राम गोलभेँडा आयात भएको हो ।
नेपालमा भारत र इण्डोनेसियादेखि गोलभेँडा आयात हुने गरेको छ । विभागका अनुसार चालू आर्थिक वर्षको यो अवधिमा यी दुई मुलुकमध्ये भारतबाट सबैभन्दा धेरै गोलभेँडा आयात भएको छ । भारतबाट ५२ करोड ६४ लाख रुपैयाँको गोलभेँडा भित्रिएको छ ।
यस्तै, इण्डोनेसियाबाट ११ हजार रुपैयाँको ६२५ किलोग्राम गोलभेँडा आयात भएको विभागले सार्वजनिक गरेको तथ्यांकमा उल्लेख छ । यसैगरी, ९ महिनाको अवधिमा उक्त मूल्यको गोलभेँडा आयात हुँदा राज्यले ४ करोड ७६ लाख रुपैयाँ राजश्व संकलन गरेको छ ।
