Advertisement Banner
Advertisement Banner

१४ सोमबार, जेठ २०८१17th April 2024, 11:33:48 am

९ लाख युवा विदेशीदा, चासो खोई ?

०२ मंगलबार , आश्विन २०८०८ महिना अगाडि

९ लाख युवा विदेशीदा, चासो खोई ?

वर्षदिनमै वैदेशिक रोजगारीको खोजी र उच्चशिक्षा हासिल गर्न भनेर ९ लाख युवा विदेशीए । ७ सय ६१ सरकार, ८ सय ८४ सांसद, शितल निवास र प्रदेशका महाराजाहरू के हेरेर बसेका छन् । युवालाई फर्काउने, जानबाट रोक्ने विषयमा न संसद, न सांसदले चासो राखेका छन् । वैदेशिक रोजगारीबाट देश विकास हुने भए कोरिया सम्पन्न हुनेथिएन । रक्षानको भातका सिता टिपेर खाने कोरिया आज सम्पन्न भएको छ, त्यो आत्मनिर्भरताको योजना अँगालेर हो ।
विश्व बैंकको केही वर्ष अघिकै रिपोर्टअनुसार २० वर्षमै नेपाल बुढाबुढी र बालबालिकाको देश बन्ने खतरा छ भनेको थियो । एयरपोर्टमा हेर्नुपर्छ– दिनहुँ हजारौं हजार युवा विदेशीनेको लाइन बढ्दै गएको छ । विदेशी हवाई सेवा, विदेशी एजेण्ट, विदेशी कम्पनी, विदेशी विश्वविद्यालयमा नेपाली युवाहरूको भीड  देखिन्छ । यो कहालीलाग्दो दृश्यले कुनै योजनाविद, समाजशास्त्री, बुद्धिजीवी, नागरिक समाज, चिन्तकहरूले चिन्ता नगर्नु भनेको देश भड्खालोतिर जाकिदैछ भन्ने निष्कर्षमा पुग्न सकिन्छ । पढेलेखेका र युवाशक्ति विदेशीने, तस्कर र माफियाले देश चलाएपछि देश अग्रगमनमा गइरहेको छ कि पश्चगमनमा ?