०४६ सालपछि कृष्णप्रसाद भट्टराई, गिरिजाप्रसाद कोइराला, शेरबहादुर देउवा, सूर्यबहादुर थापा, प्रचण्ड, माधव नेपाल, झलनाथ खनाल, बाबुराम भट्टराई, खिलराज रेग्मी, सुशील कबोइराला, केपी ओली पटक पटक प्रधानमन्त्री भएका छन् । राजनेताको व्यक्तित्व कुनै प्रधानमन्त्रीले पनि बनाउन सकेनन् । कोही देशघातक त कोही जनघातक बनेर बदनाम भए । राष्ट्रघातको आरोप नलागेका एकजना पनि प्रधानमन्त्री जनताले पाउन सकेन । राजनेता कोही बन्न सकेनन् । भ्रष्टाचार गरेको आरोपमा इन्डोनेसियाका मोहमद सुहार्तो, फिलिपिन्सका फर्डिनान्ड मार्कोस तथा जोसेफ इस्ट्राडा, सर्बियाका स्लोबोदान मिलोसेभिक, पेरूका अल्बर्टो फुजीमोरी, नाइजिरियाका सनी अबाचा, हाइटीका जाँ–क्लाउड दुभालियर, निकारागुवाका अर्नोल्डो अलेमान र उक्रेनका प्रधानमन्त्री पाब्लो लाजेरेन्कोलाई दण्डित गरियो । हाम्रा देश र जनघातक कहिले दण्डित होलान् ?