काठमाडौं । झापामा मुकाम बनाएर मन्दिर दर्शन गर्ने र भेट्न आउने सर्वसाधारण, विभिन्न पार्टीका नेता कार्यकर्ताहरुलाई भेट गरेर तिनीहरुबाट देशको चिन्ता सुन्दै आएका पूर्वराजा ज्ञानेन्दै शाह चैत ११ गते विराटनगर जाने भएका छन् । विराटनगरमा पूर्वराजाको भव्य स्वागतका लागि तैयारी सुरु भइसकेको छ । पूर्वराजाको स्वागतका लागि २ सय २५ जनाको स्वागत समितिसमेत गठन गरिएको छ । दिउँसो रामजानकी, काली 
मन्दिरको दर्शन गरेरपछि पूर्वराजाले सर्वसाधारणलाई पनि भेट्ने कार्यक्रम रहेको बल्लभ दाहालले बताए । ३ घण्टे विराटनगर भ्रमणका बेलामा प्रशंसकहरुको ठूलै भीडले राजा आउ देश बचाउ भन्ने नाराबाजी गर्ने र जुलुस प्रदर्शनसमेत गर्ने बताइएको छ । पूर्वराजा ज्ञानेन्द्रले फागुन ७ गते को सन्देशमा २०६३ साल वैशाख ११ गतेको सहमति पालना किन नगरेको भनेर पार्टीहरुसँग प्रश्न गरे पनि कसैले जवाफ दिएका छैनन् ।