काठमाडौं, गोबर्धन मठ जगन्नाथपुरी उडिसामा निम्त्याएर पूर्वराजाको एक सय ४५ औं शंकराचार्य स्वामी निश्चलानन्द सरस्वती लगायत सम्पूर्ण हिन्दुहरुले अभिषेक गर्ने भएका छन् । यसका लागि पूर्वराजाको भारत भ्रमण सुरु भएको छ ।
माघ २६ र २७ गते जगन्नाथपुरीमा विशेष समारोह आयोजना हुँदैछ, पूर्वराजा ज्ञानेन्द्र शाहलाई नेपालका हिन्दुराजाको रुपमा विशेष आमन्त्रण आएको छ । उत्तर प्रदेशका मुख्यमन्त्री योगी आदित्यनाथ र सम्भवत: प्रधानमन्त्री नरेन्द्र मोदी र सिंगो भाजपाको उपस्थितिको तैयारी भइरहेको खबरमा उल्लेख गरिएको छ । भारतका राष्ट्रपति, प्रधानमन्त्री अथवा कुनै व्यक्तिले जान नपाउने जगन्नाथपुरीको गर्भगृहमै पूर्वराजालाई हिन्दु राजाको हैसियतले पूजाआजा गराउने, अभिषेक गराउने र गर्ने कार्यक्रम तय भएको छ ।
स्मरणीय छ, जगन्नाथपुरीबाट ज्ञानेन्द्र शाहलाई हिन्दुसम्राट श्री ५ महाराजधिराज उल्लेख गरेरै निम्तो आएको छ । यसको अर्थ जनआन्दोलनपछि पहिलोपल्ट भारतले पूर्वराजालाई हिन्दुराजाका रुपमा आत्मसात गरेर सम्मानित गर्न लागेको हो ।