काठमाडौं । आगामी हप्ता पूर्वराजा जगन्नाथपुरीको दर्शन गर्न भारतयात्रामा जाने भएका छन् । त्यहाँका महाराजा र शंकराचार्यको विशेष निम्तोको सम्मान र पूजापाठ पूर्वराजाको योजना रहे पनि यो भ्रमणमा पनि उत्तरप्रदेशका मुख्यमन्त्री योगी आदित्यनाथ र उनले भारतका प्रधानमन्त्रीसम्मलाई भेट गराउने कार्यक्रम रहेको स्रोतले बताएको छ ।
यता नेपाललाई हिन्दुराष्ट्र बनाउने पहल चलिरहनु र भारतका हिन्दुहरुको यसैमा चासो देखिनु सुखद समाचार पनि हो भन्छन् हिन्दुहरु । नेपाललाई हिन्दुराष्ट्र बनाउन एमाले अध्यक्ष केपी ओलीले पनि चासो दिइरहेको
 बुझिएको छ । राजनीतिक घटनाक्रमले यु टर्न लिएन भने पूर्वराजालाई कुनै न कुनै स्पेस दिने र सम्मानका साथ राखिने योजना पनि भित्रभित्र चलिरहेको छ ।
यसैवीच पूर्वराजा जगन्नाथपुरीबाट फर्केपछिमात्र पूर्वाञ्चलका पीठहरुको दर्शनमा निस्कने योजना बनिरहेको बुझिन्छ ।