काठमाडौं । यही महिनाको अन्ततिर पूर्वराजा पूर्वाञ्चलको भ्रमणमा निस्कने कार्यक्रम रहेको छ । मध्य र सुदूरपश्चिमदेखि भारतको उत्तरप्रदेशसम्मको भ्रमण सम्पन्न गरेर भर्खर फर्केका पूर्वराजाले अव पूर्वाञ्चल र मध्यमाञ्चलका देवदेवीहरुको पीठको दर्शन गर्ने कार्यक्रम तय गरेको बुझ्न सकिन्छ ।
मन्दिरमा पूजा र नागरिकहरुसँग अन्तरक्रिया, एकपन्थ दो काज यही हो । झापाली नेता केपी ओली सत्ताको बागडोरमा उक्लने बेलामा पूर्वराजा
धार्मिक भ्रमणमा  निस्कन लागेका हुन् । झापामा राजाको जयजयकार हुनेछ र त्यो जयजयकारको गुञ्जन त्यतिबेला प्रधानमन्त्री बनेको बेलामा ओल्ीले पनि सुन्नेछन् । त्यसै पनि लोकतान्त्रिक राजतन्त्र र हिन्दुराष्ट्रका सम्बन्धमा चीन र भारत लचक बनेको र नेपालभित्र राजतन्त्र फर्कने तापक्रम ह्वात्तै बढेको बेलामा हुन लागेको पूर्वराजाको पूर्वको भ्रमण अर्थपूर्ण हुने विश्वास गरिएको छ । यसको दारुमदार पूर्वेली जनताले पूर्वराजाको स्वागत र सत्कारमा भर पर्ने अर्को विश्लेषण पनि हुनथालेको छ । पूर्वका नागरिकहरु भन्दैछन्–पूर्वराजाको ऐतिहासिक स्वागत र सत्कार हुनेछ ।